2026-жылдын 3-апрелинде Манас айыл өкмөтүнө барып, 2025-жылы алынган техниканын колдонулушу жана анын натыйжалары менен тааныштык.
Белгилүү болгондой, Манас айыл өкмөтү 2025-жылы Мамлекеттик лизинг компаниясы аркылуу 6 даана атайын техника алган.
Бүгүнкү күндө бул техникалар «Таза айыл үчүн» муниципалдык ишканасы тарабынан активдүү колдонулуп, коммуналдык кызматтарды сапаттуу аткарууга шарт түзүүдө.
▪️Буга чейин ишканада эскирген техника колдонулуп, ал жумасына 2–3 жолу бузулуп турган. Натыйжада кошумча техника ижарага алынып, убакыт жана каражат көп сарпталчу.
Азыр болсо жаңы техниканын жардамы менен:
— таштандылар өз убагында чыгарылып жатат;
— коммуналдык кызматтардын сапаты жакшырды;
— кошумча чыгымдар кыскарды;
— иштер өз күчү менен аткарылып калды.
✅ Бул мисал лизинг аркылуу берилген техниканын аймактагы социалдык-экономикалык натыйжасын айкын көрсөтүп турат.
