«Мамлекеттик лизинг компаниясы» ААК 2025-жылы Кызыл-Суу айыл өкмөтүнө финансылык лизинг аркылуу заманбап 17 даана атайын техниканы өткөрүп берген. Бүгүнкү күндө техникалардын бардыгы толук пайдаланууда болуп, төрт муниципалдык ишкананын ишинин натыйжалуулугун жогорулатып, калкка көрсөтүлүүчү кызматтардын сапатын жакшыртууда.
Долбоор 30 миңден ашуун тургунду камтыйт. Техникалык парк жаңылангандан кийин айыл өкмөтү коммуналдык, инфраструктуралык жана айыл чарба иштерин күчөтүп, кошумча 8 жаңы жумуш ордун түздү.
Берилген техникалар:
- 2 самосвал;
- 1 ассенизатор;
- 1 фронталдык жүктөгүч;
- 1 жол катогу;
- 1 автобус;
- 1 экскаватор;
- 1 жүк ташуучу унаа;
- 1 кызматтык Chevrolet Tracker унаасы;
- 4 трактор;
- 6 даана айыл чарба жабдуусу.
Долбоордун негизги жыйынтыктары:
- бардык 17 техника толук пайдаланууда;
- 8 жаңы жумуш орду түзүлдү;
- 30 миңден ашуун тургун үчүн муниципалдык кызматтардын сапаты жакшырды;
- төрт муниципалдык ишкананын ишинин натыйжалуулугу жогорулады.
Аймактарды өнүктүрүүдө заманбап техникага жеткиликтүүлүк негизги факторлордун бири болуп саналат. Финансылык лизинг айыл өкмөттөрүнө бюджетке чоң бир жолку жүк түшүрбөстөн техникалык паркын жаңылоого жана калк үчүн маанилүү долбоорлорду ыкчам ишке ашырууга мүмкүнчүлүк түзөт.
