Cases

Бул долбоор Мамлекеттик чек ара кызматынын инженердик-техникалык жактан жабдылышын чыңдоого жана өлкөнүн алыскы жана бийик тоолуу райондорунда тапшырмаларды аткарууда бөлүкчөлөрдүн мүмкүнчүлүктөрүн жогорулатууга багытталган.

Долбоордун жыйынтыктары

• Лизингге берилди: 10 бирдик заманбап техника жана адистештирилген тіркемелер.
• Колдонуу тармагы: инженердик, транспорттук жана чек ара инфраструктурасы.

Жеткирүүнүн курамына седеалдык тарткычтар, адистештирилген жарым тіркемелер, самосвалдар, бетон аралаштыргыч, кран-манипулятор жана суу ташуучу унаалар кирди.

Долбоордун максаттары

• Чек ара кызматынын материалдык-техникалык базасын чыңдоо;
• Инженердик бөлүкчөлөрдүн мобилдүүлүгүн жогорулатуу;
• Чек ара инфраструктурасын курууну жана тейлөөнү камсыз кылуу;
• Алыскы бөлүкчөлөрдүн логистикалык камсыздоосун жакшыртуу;
• Инженердик жана чарбалык иштерди аткарууда автономиялуулукту жогорулатуу.

Долбоордун мааниси

Чек ара бөлүкчөлөрү татаал климаттык жана географиялык шарттарда милдеттерди аткаргандыктан, өзүнүн заманбап транспорттук жана инженердик комплексинин болушу өзгөчө мааниге ээ. Жаңы техника заставаларды, чек ара постторун жана коштоочу инфраструктураны куруу, реконструкциялоо жана тейлөө мүмкүнчүлүктөрүн кеңейтет.

Өз автопаркынын болушу ошондой эле курулуш материалдарын, жабдууларды жана зарыл ресурстарды алыскы объектилерге тез арада жеткирүүгө шарт түзөт. Суу ташуучу унаалар борборлоштурулган суу менен камсыз кылынбаган объектилерге ичүүчү жана техникалык сууну кошумча жеткирип турат.

Мамлекеттик лизинг компаниясынын кошкон салымы

Долбоордун алкагында Мамлекеттик лизинг компаниясы чек ара бөлүкчөлөрүнүн өлкөнүн алыскы жана бийик тоолуу райондорундагы иш өзгөчөлүктөрүн эске алуу менен адистештирилген техниканы сатып алууну камсыз кылды.

Берилген техникалык комплекс бир эле учурда бир нече практикалык милдеттерди чечет: жүктөрдү жана жабдууларды ташуу, курулуш жана инженердик иштерди жүргүзүү, суу жеткирүү жана алыскы объектилерди камсыз кылуу. Лизингдик механизм Чек ара кызматынын техникалык мүмкүнчүлүктөрүн түздөн-түз жер-жерлерде күчөтүүгө жана менчик күчтөр менен чек ара инфраструктурасын тейлөө үчүн кошумча база түзүүгө жол ачты.

«Мамлекеттик лизинг компаниясы» ААК Манас шаарынын муниципалдык кызматтарынын материалдык-техникалык базасын жаңылоо боюнча комплекстүү долбоорду ишке ашырды. Долбоор шаардык чарбанын натыйжалуулугун жогорулатууга, коммуналдык кызматтардын сапатын жакшыртууга жана шаардык инфраструктураны кармоо жана өнүктүрүү үчүн заманбап шарттарды түзүүгө багытталган.

Долбоордун жыйынтыгы

• Лизингге берилди — 53 даана атайын техника жана жабдуу.
• Колдонуу тармагы — коммуналдык чарба, курулуш жана шаардык инфраструктура.

Долбоордун алкагында шаар таштанды ташуучу унааларды, көчө шыпыруучу жана суу чачуучу техникаларды, суу ташуучу унааны, айкалыштырылган жол машиналарын, самосвалдарды, экскаваторду, бульдозерди, автовышкаларды, эвакуаторлорду, манипуляторду жана башка атайын жабдууларды алды.

Долбоордун максаттары

• коммуналдык жана атайын техникалар паркын модернизациялоо жана комплекстүү жаңылоо;
•  шаар аймагын санитардык тазалоонун жана кармоонун сапатын жогорулатуу;
•  жол, оңдоо жана авариялык-калыбына келтирүү иштерин өз убагында жүргүзүүнү камсыз кылуу;
•  муниципалдык кызматтардын техникалык жабдылышын жакшыртуу;
•  шаардык инфраструктураны мындан ары өнүктүрүү үчүн шарттарды түзүү.

Шаар үчүн мааниси

Долбоордун ишке ашырылышы Манас шаарынын туруктуу өнүгүүсү жана муниципалдык кызматтардын сапатын жогорулатуу үчүн маанилүү. Заманбап атайын техника шаардык кызматтарга аймакты санитардык тазалоо, тиричилик калдыктарын чыгаруу, жолдорду жана коомдук жайларды кармоо, көрктөндүрүү жана инженердик инфраструктураны тейлөө боюнча күнүмдүк иштерди ыкчам аткарууга мүмкүнчүлүк берет.

Автопарктын комплекстүү жаңыланышы курулуш, жол жана авариялык-калыбына келтирүү иштерин жүргүзүүдө муниципалитеттин өзүнүн техникалык мүмкүнчүлүктөрүн да кеңейтет. Натыйжада шаардык кызматтардын натыйжалуу иштөөсүнө жана шаардык чөйрөнүн сапатын ырааттуу жогорулатууга шарт түзүлөт.

Мамлекеттик лизинг компаниясынын салымы

МЛК муниципалдык кызматтардын техникалык базасын жаңылоого комплекстүү мамилени камсыздап, ар кандай багыттагы 53 даана техника жана жабдууну сатып алууну бир долбоорго бириктирди.

Лизинг механизминин аркасында шаар бир эле учурда бир нече багытты — санитардык тазалоону, жолдорду кармоону, көрктөндүрүүнү, курулуш жана авариялык-калыбына келтирүү иштерин — күчөтүүгө мүмкүнчүлүк алды. Мындай формат айрым машиналарды гана алмаштыруу менен чектелбестен, шаардык чарбанын күнүмдүк муктаждыктары үчүн кыйла толук кандуу техника паркын түзүүгө мүмкүндүк берди.

Долбоор Кыргыз Республикасынын стратегиялык гидроэнергетикалык жана инфраструктуралык долбоорлорун ишке ашыруу үчүн ишкананы кеңири масштабда заманбап техника менен камсыздоого багытталган.

Долбоордун жыйынтыктары

• Лизингге берилди — 49 даана адистештирилген техника жана жабдуу.
•  Колдонуу тармагы — гидроэнергетикалык жана инфраструктуралык курулуш.

Техникалык комплекс бетон иштерине, майдалоо-сорттоого, жер астындагы курулушка, бургулоого, жер казууга, жүк көтөрүүгө, жол курууга жана ташууга арналган техникаларды камтыйт.

Долбоордун максаттары

• стратегиялык гидроэнергетикалык курулуштарды техникалык жактан камсыздоо;
•  курулуш иштеринин өндүрүмдүүлүгүн жогорулатуу;
•  адистештирилген техниканын өздүк комплексин түзүү;
•  тышкы подрядчыларга жана жеткирүүчүлөргө болгон көз карандылыкты азайтуу;
•  ири инфраструктуралык долбоорлорду ишке ашыруунун натыйжалуулугун жогорулатуу.

Энергетика тармагы үчүн мааниси

Гидроэнергетиканы өнүктүрүү өлкөнүн энергетикалык потенциалын бекемдөөнүн негизги багыттарынын бири болуп саналат. Ири гидротехникалык долбоорлорду ишке ашыруу жер казуу, жер астындагы, бетон, бургулоо жана жүк көтөрүү иштерин аткарууга ылайыкталган заманбап оор жана тар адистештирилген техниканын болушун талап кылат.

Өздүк техникалык комплексти түзүү ишкананын өндүрүштүк өз алдынчалыгын жогорулатып, стратегиялык объекттердеги иштерди натыйжалуу уюштурууга мүмкүнчүлүк берет. Модернизация курулуш процесстерин тездетүүгө жана Кыргыз Республикасынын гидроэнергетикалык инфраструктурасын мындан ары өнүктүрүү үчүн зарыл болгон техникалык базаны чыңдоого өбөлгө түзөт.

Мамлекеттик лизинг компаниясынын салымы

Бул долбоордо МЛКнын катышуусу ишкананы ири гидроэнергетикалык жана инфраструктуралык объекттерде иштердин толук комплексин аткарууга зарыл болгон техника менен камсыздоого багытталган.

Лизингге жер казуу, бургулоо жана бетон иштеринен тартып жер астындагы курулушка, жүктөрдү ташууга жана көтөрүүгө чейинки негизги өндүрүштүк процесстерди камтыган 49 даана адистештирилген техника жана жабдуу берилди. Натыйжада ишкана масштабдуу курулуш иштерин аткаруу үчүн өзүнүн техникалык базасын түзүүгө жана сырттан техника тартууга болгон муктаждыкты азайтууга мүмкүнчүлүк алды.

«Мамлекеттик лизинг компаниясы» ААК Кыргыз Республикасынын Өзгөчө кырдаалдар министрлигинин атайын автопаркын жаңылоо жана кеңейтүү боюнча долбоорду ишке ашырды.

Долбоордун жыйынтыктары

• Лизингге 18 даана атайын жана толук жетектүү техника берилди.
•  Колдонуу тармагы — өзгөчө кырдаалдар жана авариялык-куткаруу иштери.

Долбоордун алкагында 10 толук жетектүү пикап, 4 вахталык автобус жана 4 мини-жүктөгүч берилди.

Долбоордун максаттары

•  куткаруу бөлүмдөрүнүн ыкчам даярдыгын жогорулатуу;
•  атайын автопаркты жаңылоо;
• куткаруу топторунун мобилдүүлүгүн жогорулатуу;
•  жетүүгө кыйын аймактарга жетүүнү камсыз кылуу;
• авариялык-калыбына келтирүү жана куткаруу иштерин тездетүү.

Долбоордун мааниси

Кыргыз Республикасынын аймактарынын олуттуу бөлүгү татаал тоолуу рельеф менен мүнөздөлгөндүктөн, куткаруу бөлүмдөрүнүн техникалык даярдыгы өзгөчө мааниге ээ. Заманбап толук жетектөөчү транспорт каражаттары ыкчам топтордун жетүүгө кыйын болгон аймактарга тезирээк жетүүсүнө, жеке курамды жана зарыл болгон жабдууларды ташуусуна мүмкүнчүлүк берет.

Мини-жүктөгүчтөр урандыларды тазалоодо, сел жана жер көчкү кесепеттерин жоюуда, ошондой эле калыбына келтирүү иштерин жүргүзүүдө бөлүмдөрдүн мүмкүнчүлүктөрүн кеңейтет. Ошентип, техникалык каражаттарды жаңылоо өзгөчө кырдаалдарга чара көрүү системасын чыңдоого жана калктын коопсуздук деңгээлин жогорулатууга өбөлгө түзөт.

Мамлекеттик лизинг компаниясынын салымы

Мамлекеттик лизинг компаниясы ӨКМге зарыл болгон атайын техниканы бюджетке баштапкы минималдуу жүк менен ыкчам алууга мүмкүндүк берген каржылык механизмди иштеп чыкты.Мамлекеттик лизинг компаниясынын катышуусу техникалык жаңылоо милдеттерин жана бюджеттик жүктү рационалдуу бөлүштүрүүнү айкалыштырууга мүмкүндүк берди. Бул долбоор жарандардын коопсуздугун камсыз кылуу жана өзгөчө кырдаалдардын кесепеттерин жоюу менен түздөн-түз байланышкан кызматтардын техникалык даярдыгын чыңдоодо мамлекеттик лизинг механизмин натыйжалуу пайдалануунун мисалы болуп саналат.

«Мамлекеттик лизинг компаниясы» ААКму Талас шаарынын мэриясы менен биргеликте шаардык коомдук транспорт системасын жаңылоо жана экологиялык жактан таза транспорттук чечимдерди киргизүү боюнча ири долбоорду ишке ашырышты.

2026-жылдын 29-майында Талас шаарынын мэриясы менен «Мамлекеттик лизинг компаниясы» ААКнун ортосунда 30 заманбап электр автобусун сатып алуу боюнча финансылык лизинг келишими түзүлгөн.

Долбоордун жыйынтыктары

• Долбоордун алкагында — 30 электробус.

• Лизингдик продукт — «Жашыл лизинг».

• Колдонуу чөйрөсү — шаардык коомдук транспорт.

Долбоордун максаттары

• Талас шаарынын коомдук транспортун жаңылоо жана модернизациялоо;

• жүргүнчүлөрдү ташуунун сапатын жана жеткиликтүүлүгүн жогорулатуу;

• экологиялык жактан таза электр транспортун киргизүү;

• шаардык транспорттун айлана-чөйрөгө тийгизген таасирин азайтуу;

• жүргүнчүлөр үчүн ыңгайлуулукту жана тейлөөнүн сапатын жогорулатуу;

• заманбап жана туруктуу шаардык транспорттук инфраструктураны өнүктүрүү.

Шаар үчүн мааниси

30 электробус сатып алуу Талас шаарынын коомдук транспортун модернизациялоодогу маанилүү этап болуп саналат. Автопарктын жаңыланышы шаар ичиндеги жүргүнчүлөрдү ташуунун сапатын жогорулатууга, шаар тургундары үчүн ыңгайлуу шарттарды түзүүгө жана шаардын заманбап транспорттук системасын өнүктүрүүгө өбөлгө түзөт.

Долбоордун экологиялык багыты өзгөчө мааниге ээ. Электртранспортун колдонуу шаардык жүргүнчүлөрдү ташуудан чыккан зыяндуу заттардын көлөмүн азайтууга жана экологиялык жактан таза, энергияны үнөмдөөчү транспорттук чечимдерге этап-этабы менен өтүүгө шарт түзөт.

Долбоорду ишке ашыруу Талас шаарында туруктуу шаардык мобилдүүлүктү мындан ары өнүктүрүүгө жана заманбап технологияларды колдонуу менен транспорттук инфраструктураны жаңылоого негиз түзөт.

Мамлекеттик лизинг компаниясынын долбоорго кошкон салымы

Талас шаарынын коомдук транспортун жаңылоо долбоорунда «Мамлекеттик лизинг компаниясы» ААК шаардык инфраструктуранын келечектүү багыттарынын бири болгон электртранспортун киргизүүнүн финансылык өнөктөшү катары чыгууда.

«Жашыл лизинг» өнүмүнүн алкагында МЛК каржылоону камсыз кылып, шаардын бир эле учурда 30 заманбап электробустарын сатып алуусуна жана коомдук транспортту масштабдуу жаңылоосуна мүмкүнчүлүк түздү.

МЛКнын бул долбоорго катышуусунун мааниси каржылоо берүү менен гана чектелбейт. Долбоор аймактык деңгээлде жашыл лизинг механизмдерин практикалык жактан колдонуу мүмкүнчүлүгүн көрсөтөт. Ошондой эле мамлекеттик лизингди экологиялык багыттагы демилгелерди колдоого, коомдук транспортту модернизациялоого жана заманбап шаардык чөйрөнү калыптандырууга багыттоонун натыйжалуу мүмкүнчүлүктөрүн жарыялайт.

Мамлекеттик лизинг компаниясы региондорду өнүктүрүүнү улантып, жергиликтүү өз алдынча башкаруу органдарын заманбап техника менен камсыздап келет. 2025-жылы «Колдоо» продуктысынын алкагында маанилүү долбоор ишке ашырылды — Шумкар-Уя айыл өкмөтүнө жалпы баасы 52 509 870 сом болгон 12 бирдик техника берилди.

Лизинг шарттары:

• 11 пайыздык үстөк менен,
• мөөнөтү — 7 жыл.

Долбоордун мааниси

• айыл чарба иштерин жүргүзүүдө,
• аймакты көрктөндүрүү жана тазалоодо,
• калкты коммуналдык кызматтар менен камсыздоодо.

Бул өз кезегинде айыл өкмөтүнүн материалдык-техникалык базасын чыңдоого, жергиликтүү өз алдынча башкаруунун ишинин натыйжалуулугун жогорулатууга жана жашоочулардын жашоо сапатын жакшыртууга өбөлгө түздү.

Мамлекеттик лизинг компаниясынын салымы

Айылдык аймактарды колдоо — Мамлекеттик лизинг компаниясынын ишмердигинин негизги багыттарынын бири. Бул долбоор компаниянын стратегиялык максатын дагы бир жолу ырастайт — региондорду өнүктүрүүгө көмөктөшүп, заманбап ресурстарга жана техникага жеткиликтүүлүктү камсыз кылуу.

Мамлекеттик лизинг компаниясы «Кыргызмамасылтукумзавод» ишканасына жалпы 45 млн сомдук айыл чарба техникасын өткөрүп берди. Бул долбоор агроөнөр жай комплексин модернизациялоодо жана өлкөнүн азык-түлүк коопсуздугун чыңдоодо маанилүү кадам болуп калды.

Компаниянын кошкон салымы:

• Ишкананы заманбап айыл чарба техникасы менен камсыз кылуу аркылуу өндүрүмдүүлүктү жогорулатуу;
• Жогорку сапаттагы үрөн өндүрүшүн көбөйтүүгө шарт түзүү;
• Импортко болгон көз карандылыкты азайтуу жана жергиликтүү өндүрүштү өнүктүрүү;
• Айыл чарба продукциясынын атаандаштыкка жөндөмдүүлүгүн арттыруу жана экспорттук мүмкүнчүлүктөрдү кеңейтүү;
• Жергиликтүү жерлерде жумуш орундарын түзүү жана социалдык-экономикалык өнүгүүгө салым кошуу.

Долбоордун мааниси:

Бул долбоор айыл чарба тармагынын туруктуу өнүгүшүнө өбөлгө түзүп, фермерлерди заманбап технологияларга жеткиликтүү кылууда. Мамлекеттик лизинг компаниясы Кыргызстандын экономикасынын негизги тармактарын колдоо боюнча стратегиялык миссиясын улантууда.

Мамлекеттик лизинг компаниясы «Колдоо» продуктынын алкагында Жалал-Абад шаарынын мэриясынын материалдык-техникалык базасын чыңдоо боюнча маанилүү долбоорду ишке ашырды.

Долбоордун жыйынтыктары

• Лизингге 32 даана адистештирилген техника берилди.
• Колдонуу тармагы: курулуш жана инфраструктура.
• Лизингдеги предметтердин наркы — 147 815 968 сом.
• Пайыздык үстөк — 10 %.

Долбоордун максаттары

• курулуш жана коммуналдык техниканын паркин жаңылоо жана модернизациялоо;
• инфраструктуралык жана курулуш иштерин өз убагында аткаруу;
• шаардык чөйрөнүн комплекстүү өнүгүүсүн камсыз кылуу;
• калкка көрсөтүлгөн кызматтардын сапатын жогорулатуу.

Шаар үчүн мааниси

• шаардык кызматтардын ишинин натыйжалуулугун жогорулатуу;
• жолдорду оңдоо жана көрктөндүрүү иштерин тездетүү;
• коомдук жайларды сапаттуу тейлөөнү камсыз кылуу;
• шаар тургундары үчүн ыңгайлуу шарттарды түзүү.

Мамлекеттик лизинг компаниясынын салымы

Бул долбоор Кыргыз Республикасынын региондорун колдоо боюнча масштабдуу программалардын бир бөлүгү болуп калды. Лизинг механизмдеринин аркасында мамлекет муниципалдык органдарды заманбап техника менен камсыз кылып, өлкөнүн социалдык-экономикалык өнүгүшүнө түздөн-түз салым кошууда.

«Бизнес-лизинг» продуктунун алкагында Мамлекеттик лизинг компаниясы ААК «Аэродромдорстрой» ишканасына 20 заманбап самосвалды лизингге өткөрүп берди.

Долбоордун параметрлери:

• Лизинг предметтеринин жалпы баасы: 81 900 000 сом
• Пайыздык үстөк — 20%
• Тармак: курулуш жана инфраструктура

Долбоордун мааниси:

• Кыргызстандагы алдыңкы курулуш компанияларынын материалдык-техникалык базасын чыңдоо.
• Ири инфраструктуралык долбоорлорду ишке ашырууда өндүрүштүк мүмкүнчүлүктөрдү кеңейтүү.
• Заманбап техника менен камсыздоо аркылуу курулуш иштерин сапаттуу жана өз учурунда бүтүрүү.
• Улуттук инфраструктураны өнүктүрүүгө жана жаңы жумуш орундарын түзүүгө салым кошуу.

Бул долбоор Мамлекеттик лизинг компаниясынын бизнеске кеңири мүмкүнчүлүктөрдү түзүп, техникалык паркты жаңыртууга жана экономика тармактарынын туруктуу өнүгүүсүнө көмөк көрсөтүп жатканын айкын көрсөтөт.

Айыл өкмөттөрүнүн материалдык-техникалык базасын чыңдоо

Жергиликтүү өз алдынча башкаруу органдарынын материалдык-техникалык базасын чыңдоо максатында айыл өкмөттөрүн заманбап автотранспорт менен камсыз кылууга багытталган ири мамлекеттик долбоор ишке ашырылды.

Долбоордун жыйынтыктары

• Лизингге берилген автоунаалардын жалпы саны — 178 даана, анын ичинде:
  • 154 даана Chevrolet Tracker
  • 24 даана Lada Niva Legend
• Жалпы каржылоо көлөмү 229 млн сомдон ашты.
• Мамлекет төмөнкүдөй колдоо көрсөттү:
  • баштапкы төлөмдүн 20%,
  • камсыздандыруу жана каттоо чыгымдарын жабуу.
• Автоунаалар өлкөнүн бардык аймактарындагы айыл өкмөттөрүнө, анын ичинде дотациялык райондорго да жеткирилди.

Координация жана көзөмөл

Долбоорду ишке ашырууну координациялоо жана көзөмөлдөө төмөнкү органдар тарабынан жүргүзүлдү:

• Кыргыз Республикасынын Президенттин Аппараты,
• Кыргыз Республикасынын Министрлер Кабинети,
• Мамлекеттик лизинг компаниясы.

Долбоордун мааниси

Автоунаалардын лизингге берилиши айыл өкмөттөрүнө күнүмдүк иш-аракеттерди аткаруу үчүн заманбап жана ишенимдүү транспорт каражаттарын пайдаланууга мүмкүндүк берди. Жаңыланган автоунаа паркы төмөнкүлөргө өбөлгө түздү:

• айыл өкмөтү кызматкерлеринин кыймылдуулугун жогорулатуу,
• жарандардын кайрылууларына ыкчам жооп кайтаруу,
• мамлекеттик жана муниципалдык тапшырмаларды натыйжалуу аткаруу,
• калкка кызмат көрсөтүүнүн сапатын жакшыртуу.

Жыйынтык

Долбоор белгиленген мөөнөтүндө аткарылып, Кыргызстандын бардык аймактарын камтыды жана жергиликтүү өз алдынча башкаруу органдарынын потенциалын чыңдоодо маанилүү кадам болду. Жаңыланган автоунаа паркы айыл өкмөттөрүнүн материалдык-техникалык базасын бекемдеп, туруктуу жана натыйжалуу өнүгүүгө жол ачты.